LAOAG CITY – Naruay a Palestino ti nakipagladingit iti pannakatay ni Hamas leader Yahya Sinwar.
Nangisayangkat ti panagtataripnong dagiti sumagmamano a supporters daytoy iti asideg ti presidential palace ti Palestine.
Naammoan a karaman ni Iranian President Masoud Pezeshkian ti nangipeksa ti pannakipagladingit.
Inbatad ti Presidente ti Iran a limmaban ti maysa a bannuar a ni Sinwar.
Kunana a sigurado daytoy a saan pay a nalpas ti nasao a labanda ti Iran gapu ta adu pay ti kapada ni Sinwar ti maibilang a bannuar a lumaban.
