LAOAG CITY – Nagun-od ti pambato ti South Korea a ni Mina Sue Choi ti korona kas Miss Earth 2022.
Nagpannuray ti kinapintas ken kinalaing ni Mina kadagupan dagiti 80 a kandidata manipod iti nagduduma a pagilyan iti pageant a naiyuswat iti maysa nga hotel resort iti Pilipinas.
Napili kas Miss Earth- Air ti pambato ti Australia a ni Sheridan Mortlock, Miss Earth Water met ti pambato ti Palestine a ni Nadeen Ayoub krn Miss Earth-Fire ti pambato ti Colombia a ni Andrea Aguilera.
Sukatan ni Miss Korea ni Destiny Wagner ti Belize a nakoronaan idi 2021.
Nagleppas laeng agingga iti top 20 ti pambato ti Pilipinas a ni Jenny Ramp.
Maipalagip a naminlima a daras a nagun-od ti Pilipinas ti korona nga idi 2008 ket napili ni Karla Henry idinto a ni Jamie Herrel ket nakoronaan idi 2014, 2015 met ken ni Angela Ong ken ni Karen Ibasco ket nangabak idi 2017.
Ti nasao a pageant ita a tawen ti kaunaan a gundaway a naaddaan ti face-to-face pageant kalpasan ti nasurok a dua a tawen a pasig a virtual laeng gapu iti COVID-19 pandemic.
