LAOAG CITY – Inlawlawag ni Barangay Chairwoman Alberta Pascua iti Barangay Puttao iti ili ti Solsona a naiget a mabanbantayan ti pagtaengan ni IN-C33 a maysa a Bureau of Fire Protection (BFP) kalpasan a nagpositibo ti covid-19.
Segun kenni Pascua, monmonitoren dagiti barangay health workers ken ti tanod dagitoy.
Inbatad ni Pascua a basar iti contact tracing ket 36 a tattao ti nakapulapol ni IN-C33 iti uneg ti barangay da.
Kunana a saan na pay nga ammo no sadinno ti nakaalaan ni IN-C33 ti virus gapo ta awan met ti travel history na ken awan dagiti pappanan na malkasid iti balay ken pagtrabahoan da.
Iti agdama ket naka-quarantine ni IN-C33 iti Executive House iti lokal a gobierno ti Solsona.
