LAOAG CITY – Masansan nga um-umay ditoy Ilocos Norte ti pamilya ni nakoronaan a Miss Universe 2018 Catriona Gray iti Albay.
Kinupirmaran daytoy ni Ms. Ingrid Ramos, dati nga Staff ni dati a Ilocos Norte Cong. Roque Ablan Jr.
Segun ken ni Ramos, umay-umay ditoy probinsiya ti pamilya Gray gapu iti negosyo a pakisarsaritaan da ken ni Ablan.
Kuna na nga adda pay gundaway nga inimbitaran da daytoy nga agturong idiay Australia idi 1999 ket nakapan babaen iti student visa.
Inlawlawag na a bayat ti kaadda na idiay Australia, nakita na ti kinagaget ti ama ni Catriona kas ipaneknek dagiti negosyo na ken ubing pay idi ti nakoronaan a Miss Universe iti tawen na nga lima wenno innem.
Diniskribir na ni Catriona a bibo nga ubing ngem no physical appearance ket saan a malasin nga adda dara na a Pinay gapu ta napudaw ken masansan a koloran na ti book iti amarillo, ngem no ugali,makita a natenneb daytoy iti panag-ug-ugali ni Pilipino kas iti masansan a pannakisimba da agingga a nagsubli ditoy Pilipinas idi 2000.
