LAOAG CITY – Inakusaran ni Vice President Sara Duterte ni Presidente Ferdinand Marcos Jr. a maipagarup a responsable iti riribok iti Senado ken iti agdama a situasion ti pagilian.
Segun iti Bise Presidente, adda ti maipagarup a mapaspasamak nga “abuse of power” ken kinaawan ti panangrespetar iti institusion ti Senado iti baet kadagiti naglabas a tension iti uneg ti lehislatura.
Inbatadna nga us-usaren ti administrasion ti amin a bileg ti gobierno kontra kadagiti saan a sumupsuporta iti Presidente.
Gapu iti daytoy, kuna ti Malacañang a nasaysayaat a saanen a sungbatan dagiti rakurak ti Bise Presidente nga awan ti linaon ken nagibasaranna.
Basar iti Palasyo, kasapulan ti pagilian ti maysa nga opisial a nakasentro iti serbisio publiko ken saan nga iti panagiwaras ti saan nga umno nga impormasion.
