LAOAG CITY – Desidido ti pamilya ti biktima a mangpila ti kaso kontra kadagiti maitudtudo a suspek ti hit and run a nakasugatan ni Mr. Jimmy Sison a taga Barangay 4 iti ili ti San Nicolas.
Segun kenni Mrs. Flordeliza Sison, ti asawa ti biktima, pinal ti desisyon da a mangipila ti reklamo kontra kadagiti maipagarop a suspek a ni Florencio Rodrigo ken ti anak na naga isu ti driver, agpada a taga Barangay 9 iti ili ti Solsona.
Mamati ni Flordeliza a dagiti agama a Rodrigo ti nakadungpar iti asawa na kas basar met laeng iti palawag dagiti testigo nga isu ti nangkamat kadagitoy.
Mainaig iti daytoy, naiget a naglikudan ti ama a Rodrigo nga isuda ti nakadungpar kenni Sison ken no pudno nga isuda ket saan kuma a nakamatan dagiti testigo dagitoy.
Inlawlawag na a basar iti ummuna a saritaan da ket kiniddaw ti pamilya ti biktima a tumulong da iti magastos ni Sison ngem idawdawat da a saan da nga ibaklay amin gapo ta awan met ti basol da.
Patyen na a gapo ta isuda ti nakamatan dagiti testigo ken ti plate number ti nagluganan da a motorsiklo ti inpa-blotter dagitoy.
Kabayatanna, naiget a naglikudan pay ti ama a Rodrigo nga inpangta na dagiti testigo gapo ta napan da laeng nakisarita ken awanen ti sabali a gagem da.
Kabayatanna, inpetteng ni Mr. Alexander Bryan Bumanglag, agtawen ti 22, maysa kadagiti testigo ti hit and run a dagiti agama Rodrigo ti nakadungpar kenni Mr. Jimmy Sison.
Segun kenni Bumanlag, kabisado da ti plate number dagiti nakadungpar ken naalaan da ti video nga isu ti inpakita na iti PNP-San Nicolas.
Inbatad na pay nga adda ti ummuna a nangkamat kadagiti agama a Rodrigo ngem gapo ta saan da nga intuloy ket isuda ti nangkamat agingga idiay ili ti Sarrat.
Inlawlawag na a saan a dagus a nagsardeng dagiti agama gapo ta nabayag da pay laeng a nagbusi-busina.
Kabayatanna, kuna ni Bumanglag a nagpangta ti ama a Rodrigo kadakuada a testigo.
Innayon na nga inbalikas ti ama a no makabayad da ket sublyanan da ida a testigo.
