LAOAG CITY – Intantan ni King Charles ken asawa daytoy a ni Queen Camila ti naikeddeng nga state visit dagitoy idiay Vatican.
Kagiddan daytoy ti nagbalin nga abiso ti doktor ni Pope Francis a kasapulanna ti nayon a panaginana.
Naaammoan nga inton Abril 7 koma ti biahe ti British royals idiay Vatican ken personal a makasaritana ti agtawen ti 88 a Santo Papa.
Ti nasao a plano ket naikeddeng sumagmamano a lawas sakbay a naitaray iti ospital ti Santo Papa idi Pebrero 14.
Gapu iti daytoy, nangipadanon laengen ni King Charles ti alisto a panagimbag para iti Santo Papa.
