LAOAG CITY – Ipalpalpasen ti Commission on Elections (Comelec) ti pagimprenta iti 68,431,965 a balota iti National Printing Office idiay Quezon City.
Segun ken ni Commission on Elections Chairman George Garcia, daytoy ket bilang dagiti botante iti intero a pagilian ngem saan pay a karaman iti local absentee voting a 1,241,000.
Inbatadna Garcia, idi Marso 15 ket inlippasdan ti panagimprenta ti balota a 68,542,546 a manarimaan a dumaldalan iti verification.
Inpalagipna kadagiti botante a nasken a makaawat dagitoy ti voter information sheet manipud iti local government-da a saan ket di a manipud iti Barangay.
Inlawlawagna a daytoy ket gapu ta saanda nga ipadpadalan kadagiti barangay.
Kunana a nakaikabil met iti information sheet dagiti addang no agbutos.
Inkiddaw ni Garcia, no bilang mangala ti sample ballots manipud kadagiti agibunbunong iti aldaw ti eleksion ket napinpintas nga itugot laengen ti voter information sheet kas kodigo gapu ta adda met iti listaan dagiti kandidato.
Innayonna a nangrugi ti pannakaipaay ti voter information sheet iti Region 11, 12, Bangsamoro ken CARAGA.
