LAOAG CITY – Nagpanawagan ni Dr. Rufino Cravalhu, ti municipal veterinary officer iti ili ti Bacarra kadagiti umili a maiparit paylaeng ti agiserrek ti taraken a baboy iti nasao nga ili.
Inbatad ni Cravalhu a no adda dagiti partidor nga agiserrek ti baboy nga aggapu iti sabali a lugar ket masapol a pawilan gapu ta isu ti naipalaon iti katulagan a pinirmaan ni Mayor Nicomedes Dela Cruz iti ili ti Bacarra.
Kuna ni Cravalhu nga adda ti malabsing a paglintegan ti siasinno man nga agiserrek ti baboy iti slaughter house nga aggapo iti sabali nga ili wenno probinsya.
Inlawlawag ni Cravalhu a no adda ti makita dagiti umili nga aglabsing iti daytoy ket alaan da ti ladawan ken ireport da ti opisina ti veterinary office tapnu mapatawan ti pannusa dagiti maseknan.
Kabayatanna, inbatad ni Cravalhu a naiget ti panagmonitor da ti baro a presyo ti baboy kas koma ti karne a 280 a pisos iti kada kilo idinto a ti live weight ket 180 a pisos iti kada kilo ti agdagsen ti 100 a kilo agpangato.
