LAOAG CITY – Inlawlawag ni Engr. Arv Ruiz iti Construction Division iti San Nicolas Water District a gagangay laeng nga adda ti panagkapsot ken panagpukaw ti danom.
Segun kenni Ruiz, ti panagkapsot ti danom ket mapasaran kangrunaan na iti bigat no sadinno ket aggigiddan ti panagusar dagiti residente.
Kunana a kalpasan ti peak hour ket napintas met ti serbisyo ti San Nicolas Water District.
Malaksid iti daytoy, inbatad na a ti reklamo seknan iti narugit a dnaom a rumuar iti gripo ket saan met a kanayon ken gagangay daytoy no ag-flushing ti opisina da.
Inpakammo ni Ruiz nga iti agdama ket adda ti manarimaan a matartarimaan iti National Highway ken no dadduma ket maapektaran ti main line rason ti panagrugit ti danom.
Inbatad na nga ar-aramiden met ti opisina da ti amin a kabaelan da tapno mapasayaat ti serbisyo nga ipaay na iti publiko.
Mainaig iti daytoy, kunana a dagiti agrekreklamo ket nasken kuma nga iti opisina da ti pangidanon da tapno dagus met laeng a maslbar no anyaman ti problema.
Kabayatanna, inpetteng na a saan met nga umabot iti 24 nga oras nga awan ti danom ken no agtarimaan da ket maipakammo iti publiko.
