LAOAG CITY – Inbatad ti opisyal ti Department of Agriculture (DA) a ti panagkurang ti suplay ti karne ti baboy ket mabalin a marikna iti sumaruno a bulan iti baet ti outbreak iti African swine fever (ASF) iti pagilyan.
Ummunan a kinumpirmaran ni Agriculture Assistant Secretary ken deputy spokesman Rex Estoperez ti ballaag ti National Livestock Program (NLP) a mabalin nga adda ti panagkurang a 46,104 metric tons iti pork supply inton Hunyo no ikumpara iti demand nga 145,849 MT.
Kunana a ti projection ket masapol pay laeng nga iberipikar da no husto daytoy ngem mabalin a naladaw ton.
Basar iti presentasyon ni National Livestock Program director Ruth Miclat-Sonaco iti konsultasyon iti Department of Agriculture ken dagiti nagduduma nga stakeholders, mabalin a marikna ti pagilyan ti local pork shortage iti sumaruno a bulan no sadinno addaan ti deficiency a 11 nga aldaw wenno panagbaba iti least 56,180 MT.
Inlawlawag ni Sonaco nga intono bulan ti Hunyo, ti pagilyan ket mabalin a makapasar ti 39 nga aldaw a panagkurang ti suplay ti karne ti baboy.
Nagballaag ni Estoperez a ti African swine fever ket posible nga agwaras no dagiti local government units (LGUs) ken ti publiko ket saan a makikooperar iti pananglaban iti virus ken no saan a sumurot kadagiti protocols.
Maipalagip a ti ballaag ti opisyal ti ahensya ket kalpasan nga inpasardeng ni Cebu Gov. Gwen Garcia ti culling operation kadagiti lugar iti probinsya nga apektado ti African swine fever.
