LAOAG CITY – Nagpanawagan ni Senador Raffy Tulfo para iti maysa nga imbestigasion maipanggep iti irregular a panaglako dagiti produkto ti vape iti online pakairamanan ti panagraira kadagiti peke nga items iti online.
Iti kinapudnona, nangipila ni Tulfo ti Resolution No. 1232 idi Nobiembre 13, 2024, nagpanawagan iti Senate Committee a mangiwayat ti imbestigasion ‘in aid of legislation’ iti irregular a panaglako ti vapes ken dadduma pay a regulated goods kadagiti nagduduma nga e-marketplaces ken ti panagraira kadagiti peke nga items iti online a nalawag a panaglabsing daytoy iti Republic Act 11967 wenno ti Internet Transactions Act of 2023.
Naammoan a ti Republic Act No. 11967 ket maysa a baro a linteg a gagem a protektaran dagiti online consumer ken seller babaen iti panangikeddeng ti nalawag a pagannurotan para iti online transactions pakairamanan ti panaglako, panangibunong ken serbisio.
