LAOAG CITY – Inaprubaran ti konseho ti kiddaw ni Mrs. Antonette Bareng, ti mangidadaulo iti Business Permit and Licensing Office (BPLO) a maiyalud-od ti panagrenew ti business permit ken panagbayad ti buwis dagiti nagduduma a negosyo ditoy ciudad ti Laoag.
Immunan a kiniddaw ni Bareng a maiyalud-od ti panagrenew ti business permit ditoy ciudad agingga intono Pebrero 15 ita a tawen.
Nupay kasta, tapno masigurado a makairenew wenno makapagrehistro amin a negosyo ditoy ciudad ti Laoag ket pinagbalin ti konseho a deadline intono Pebrero 28.
Nupay kasta, inpetteng ti konseho a maudin daytoy a panangaprubar da ti pannakaiyalud-od ti panagala ken panagrenew ti business permit ditoy ciudad tapno masursurwan dagiti negosyante a mangaramid sakbay ti deadline.
