LAOAG CITY – Inlawlawag ni Dr. Elizabeth Ifurung-Gonzales, obstetrician-gynecologist (OB-GYN) iti Makati Medical Center, a mangrugi a bumaba ti fertility dagiti babbai apaman a madanun ti tawen a 35.
Ad-adda a makissayan ti kaado ken kalidad ti egg cells dagiti babbai kabayatan a tumatawen isut gapuna a narigat para kadakuada ti normal a panagsikog.
Segun kadagiti eksperto, sumagmamano kadagiti babbai ti agpapa-preserve wenno agpapa-freeze ti egg cells sakbay a madanun da ti tawen a 35, tapno mapagtalinaed ti posibilidad nga agsikog agingga a kabaelan pay ti bagi da.
Inlawlawag dagiti eksperto a saan nga ag-ovulate wenno mangrugin nga ag-menopause ti babai no mapanen iti tawen a 50 ket ad-addan a marigatan wenno impossible nga agsikog pay.
Innayon ni Dr. Ifurung-Gonzales a nangatngato ti risgo wenno komplikasyon no mataengan nga agsikog, a mabalin a mangitunda ti congenital anomalies iti ina ken maladaga manipod iti pannakaipasngay na.
