LAOAG CITY – Inbatad ni SPO3 John Elmer Barroga, ti imbestigador ti Provincial Internal Affair Service (PIAS) iti Ilocos Norte Provincial Police Office (INPPO) nga iyur-uray da pay laeng ti sungbat ni SPO1 Ronel Bolusan iti PNP-Laoag kalpasan a napilaan ti kaso a misconduct of administration wenno slight physical injury kontra kenkuana.
Segun kenkuana, inikkan da ti lima nga aldaw ni Bolusan tapno sungbatan na ti alegasyon kenkuana ti maysa a babai .
Kuna ni Barroga, possible a masuspenso iti 30 nga aldaw ni SPO1 Bolusan no mapaneknekan a guilty iti alegasyon kenkuana.
Malaksid ti daytoy, possible nga uray dagiti benepisyo a maawat na koma ita a tawen ket saan a maited kenkuana.
Maipalagip a dagiti kaso a naipila kontra ken ni SPO1 Bolusan ket gapu it panangdangran na ti babai iti uneg ti Police Station ditoy ciudad ti Laoag.
