LAOAG CITY – Inlawlawag ni Presidente Ferdinand Marcos Jr. a ti panang-archive ti Senado iti articles of impeachment kontra ken ni Vice President Sara Duterte ket saan a kayatna a saoen ket na-dismiss metten ti reklamo kontra iti Bise Presidente.
Inpettengna nga awan ti pakainaigan ti gobierno iti nagbalin a desision ti Senado nga i-archive ti articles of impeachment kontra ken ni Vice President Sara.
Kunana a saan daytoy a makibiang ken ipabus-oyna daytoy iti House of Representatives ken iti Senado.
Inbatadna nga awan ti role ti Presidente iti nasao a reklamo nangruna ket maibilang daytoy nga impeachable officer.
Iti nagbalin a resulta ti panagbutos, adda ti 19 a Senador ti nagbutos nga i-archive ti articles of impeachment idinto nga uppat ti saan a pabor ken maysa ti nag-abstain.
Kabayatanna, inpakaammo ni Presidente Marcos ti procedural issues laeng ti inyetnag a desision ti Korte Suprema ken saan a ti merito ti impeachment complaint kontra ken ni Vice President Sara.
Innayonna a nasken a saan daytoy a makibiang iti kaso gapu ta ti Kamara, Senado ken Korte Suprema ti laeng adda ti akemna iti proseso ti impeachment.
