LAOAG CITY – Saan a rumbeng nga itantan iti kamara de representantes ti pannakaipas ti nailungalong a P150 increase iti minimum wage para kadagiti empleado iti pribado a sektor
Daytoy ti inbatad ti Trade Union Congress of the Philippines (TUCP).
Inparuk-at ti Trade Union Congress of the Philippines ti statement na maysa nga aldaw sakbay a nagsubli ti house labor panel iti deliberasyon ti wage hike bills nga addaan ti range manipod P150 agingga iti P750.
Agtalek ti Trade Union Congress of the Philippines nga iti panagdengngeg iti House Committee on Labor and Employment nga idaulwan ni Representative Fidel Nograles ita nga aldaw, ti kamara de representantes ket ikarina nga ipursige da ti pannakaipangato ti sweldo dagiti agtrabtrabaho iti pribado a sektor.
Mainaig iti daytoy, welcome para iti Trade Union Congress of the Philippines ti panangimandar ni Presidente Ferdinand Marcos Jr. a rebisaren ti Regional Wage Boards ti wage rates iti intero a pagilian gapu iti agtultuloy a panagngato ti presyo dagiti magatgatang.
