LAOAG CITY – Bassit laeng a banag ti pannakaabak ni Sen Manny Pacquiao kalpasan ti laban da kenni undefeated boxer Jeff Horn idiat Brisbane Australia.
Daytoy ti reaksiyon ni Mr. Butch Aguinaldo a taga Brgy4 iti ili a Pasuquin.
Kuna na a bentahe met ni Horn iti pannakangabak na babaen kadagiti dirty tactics na kas iti panagisikil, pananggutad, pannakatim-og iti ulo ni Pacquiao ken dadduma pay.
Segun kenni Aguinaldo, dinayaw na met ti pigsa ni Horn kangrunaan iti damdamu a rikos ti laban da.
Nupay kasta, kuna na a nakurang ti oras ni Pacquiao kangrunaan ti maikasiam a rikos gapu ta possible nga isu ti gundaway a mapatumba ni Horn.
Kabayatanna, dinayaw met ni Mr. Rob Aguinaldo, anak ni Mr. Butch Aguinaldo ken cabin crew ti nagluganan nga eroplano ni Pacquaio ti inpakita na a panagpakumbaba kalpasan a naabak iti laban da.
