LAOAG CITY – Inaprubaran ti konseho ditoy ciudad ti Laoag ti pannakaamendar ti sumagmamano a probisyon ti Market and Slaughter House Code.
Daytoy ket partikular iti panagpwesto dagiti market vendors iti paking space ken ti kaadda ti container wenno pagiparabawan da kadagiti lako.
Segun kenni Konsehal Jason Perera, napagnunumoan iti naiyuswat a public hearing iti napalabas a lawas a dagiti agpwesto iti parking space ket masingir iti renta.
Daytoy ket gapo ta iti kallabes ket saan a masingsingir dagiti market vendors nga agpwesto gapo ta nailanad iti linteg a saan a mabalin a marentaan ti public places nga ibilang dagiti dadduma nga aglaklako iti merkado a saan a patas gapo ta agbaybayad da ti renta iti pwesto da.
Inlawlawag na pay a masapol nga addaan dagiti aglaklako ti pagiparabawan da kadagiti lako tapno saan a nakadiso latta iti kalsada ken tapno maliklikan ti kontaminasyon.
