LAOAG CITY – Saan nga agpayso a maibabawi ti pannakabigbig ti simbaan Romano Katoliko ti ili a Paoay kas World Heritage babaen ti United Nations Educational Scientific and Cultural Organization (UNESCO).
Kinumpirmaran daytoty ni Mr. Julio Cabacungan Consultant on Bgy. Affairs ti lokal a gobyerno ti nasao nga ili.
Segun kenkuana, kinaagpaysuanan na, ket adda rekumendasyon ti National Commission for Culture and the Arts (NCCA) tapno mamenterner iti kaadda na iti listaan iti World Heritage ket masapul ti “management plan”.
Daytoy ti rason no apay nga iti agdama nga adminstrasyon ket adda ti addang nga ar-aramiden da tapno mapapintas ti aglawlaw ti simbaan.
Kuna ni Cabacungan a manarimaan tri “landscaping” iti dati a lokasyon ti naparebba nga auditorium ket plano da nga ipatungpal daytoy iti aglawlaw na.
Inlawlawag na a mausar ti pundo manipud iti Urban Greening Program ti munisipyo ken plano a mapagbalin a kas “green park”.
