LAOAG CITY – Inlawlawag ni Vice Mayor Albert Chua iti ciudad ti Batac a saan a dredging ti masapol tapno malapdan ti panaglipyas ti quiaoit river.
Kunana nga idi ummuna a panawen ket isu ti ar-aramiden da ngem gapo ta saan met a matmatyanan ti danum na ket insardeng da daytoy.
Segun kenni Chua, saan a dredging ti solusyon na no di ket ti pannakaestablisar ti dam nga isu ti mangsippaw ti danom sakbay a bumaba amin iti karayan.
Inyarig ni Chua daytoy iti maysa a lugan nga agsalog a no awan ti manglapped ket agderetso ti panagpababa na.
Maipalagip a ti nasao a karayan ket kanayon nga aglipyas tunggal adda ti napigsa a tudo wenno bagyo ditoy probinsia ken itay kallabes ket nadadael ti sumagmamano pay a parte ti dike gapu ta nakarakaran ti babaen na daytoy gapo iti saanna a magabenan ti danom.
