LAOAG CITY – Saan pay a sigurado no maituloy ti pannakaestablisar ti mini park iti bisinidad ti Laoag Central Elem School.
Daytoy ti inbatad ni Atty. Charito Malicad, ti mangidadaulo iti City Tourism Office ditoy ciudad ti Laoag.
Kunana a saan pay a pinal ti desisyon a pannakaestablisar ti mini park gapo ta ti naaprobaran a resolusyon ket mangkiddaw paylaeng t pondo para iti nasao a proyekto.
Kuna na a maawatan ti gobierno lokal ditoy ciudad ti panangkontra dagiti dadduma a nagannak ken mangisursuro ti nasao a proyekto.
Nupay kasta, nakasagana ti gobierno lokal a pagsasaritaan daytoy a banag.
Innayon na a ti nasao a proyekto ket inisyatibo ni Mayor Bryan Alcid tapno adda ti nayun a pagturungan dagiti turista nga umay bumisita ditoy ciudad.
