LAOAG CITY – Dakkel a tulong iti Barangay 12 ditoy ciudad ti Laoag kangrunaan na iti pannakaipangato ti maawat nga ‘honorarium’ dagiti kameng ti BHW ken BPAT’s iti nasao a barangay no maaprubran ti 2019 budget iti gobierno ditoy ciudad.
Daytoy ti nagbalin a rakurak ni Barangay Chairman Lauro Dela Cruz iti Barangay 12 no kaspagarigan maaprubaranen ti lungalong a pondo ditoy ciudad ti Laoag.
Inbatad ni Dela Cruz a maysa kadagiti kangrunaan a kasapulan dagiti Brgy. Tanod da ket ti nayun a ‘gadget’ nga usaren da iti panagronda da iti nasao a barangay.
Inbatad na a ti nayon a 20 a porsyento a development fund iti Barangay ket mausar intono bolan ti Marso para ti pannakaiyimplementar kadagiti proyekto da para ti pagsayaatan ti nasao a barangay.
Mainaig ti daytoy, agarop 420 ribo a pisos ti manamanma a maipaay iti barangay da no maaprubaran ti pondo ditoy ciudad gapo ta nanayunan iti 20 a porsyento ti dati a pondo itay napalabas a tawen nga agarop 390 ribo a pisos.
