LAOAG CITY – Target a rugian ti pannakaipasdek ti expansion ti kaatiddogan a rangtay ditoy Pilipinas a San Juanico Bridge inton tawen 2028.
Basar iti Department of Public Works and Highways, dandanin a malpas ti maikadua a San Juanico Bridge a mamagkamang idiay Samar ken Leyte.
Inbatad ni Department of Public Works and Highways Senior USec. Emil Sadain, idi Hulio 25 ket nangisayangkat ti wrap-up meeting kaduana ti Japan International Cooperation Agency a maysa a napateg nga addang iti pannakaipinal ti technical ken economic evaluations iti nasao a proyekto.
Naammoan a ti maipatpatakder a rangtay ket nayon a crossing iti 2.16 kilometer San Juanico Bridge a manarimaan a dumaldalan iti rehabilitasion gapu iti kinabayagen ti imprastruktura daytoy.
Manamnama a maisubmitir ti pinal a feasibility report ti Japan International Cooperation Agency inton Septiembre iti agdama a tawen.
