LAOAG CITY – Inbatad ni Professor Carl Lenin Benigno iti Northwestern University (NWU) ditoy ciudad ti Laoag a saan a daytoy ti umiso a panawen tapno trataren dagiti agpanpanday linteg ti pannakailungalong ti dusa a patay.
Reaksyon na daytoy kalpasan nga inpila manen ni Senador Ronald “Bato” dela Rosa ti gakat para iti pannakaisubli ti dusa a patay ditoy pagilyan.
Inlawlawag na pabor a maisubli ti dusa a patay ditoy pagilyan ngem ad-ado pay dagiti nasken a masolusyunan kas iti problema iti biang iti agrikultura ken dadduma pay kangrunaan na ket karugrugi pay laeng ti panagtakem ni Presidente Ferdinand “Bongbong” Marcos.
Mainaig iti daytoy, mamati ni Benigno nga uray maisubli ti dusa a patay ditoy pagilyan ket saan a bumaba ti kriminalidad kas ti mapaspasamak iti sabali a pagilyan a pakaipatpatungpalan daytoy a linteg.
Innayon na a ti rumbeng a masolusyunan ket ti naan-anay a pannakataming dagiti kriminal wenno nakunviktaran para iti sibilisado a wagas ken mareporma ti justice system dtoy pagilyan.
