LAOAG CITY – Inpannakkel ni Philippine National Police (PNP) Chief General Rommel Marbil a napintas ti resulta ti pannakaiwaras dagiti kapulisan iti kalsada.
Inbatadna nga agbalbalin nga epektibo nga adda ti kapulisan kadagiti kalsada gapu ta naparpartak ti panagresponde dagitoy iti krimen.
Inlawlawagna a makita met kadagiti bilang dagiti mapaspasamak a nagduduma a kaso ket manipud naiwaras a kapulisan iti kalsada.
Nagpanawagan pay daytoy iti publiko a saan nga agbuteng ken dagus nga asitgan dagiti pulis a nakawaras no adda dagiti krimen a makitada.
