LAOAG CITY – Inbatad ni Konsehal Jason Perera ditoy ciudad ti Laoag a mabalin nga adda ti malabsing ti gobierno lokal seknan ti pannakaiyakar ti Bahay-Silangan iti City Library nga awan ti pammalubos ti konseho ditoy ciudad.
Inlawlawag ni Perera a no maiyakar ti Bahay-Silangan ket masapol nga iti sanikua ti Philippine National Police wenno Armed Forces of the Philippines.
Kuna na pay a no maiyakar ti maysa a pasilidad ket masapol nga umuna nga adda ti maiyuswat a public hearing ken maiyaramidan ti resolusyon.
Innayon na a ti Local chief executive ket adda ti bileg na nga agiyakar ti opisina ngem awan ti otoridad na a mangiyakar ti pasilidad.
Reaksyon daytoy ni Perera seknan ti pannakaiyakar ti City Library iti ABC Building nga awan ti pammalubos ti konseho ditoy ciudad no sadinno a ditoy met ti nakaiyakaran ti Bahay-Silangan ditoy ciudad.
