Pannakaiyimplementar dagiti proyekto iti DPWH ditoy ciudad ti Laoag, saan a mabalin a masuspenso gapu iti panagngato ti heat index

LAOAG CITY – Saan a mabalin a masuspenso dagiti maiyim-implementar a proyekto iti umuna a distrito iti Department of Public Works and Highways (DPWH) ditoy ciudad ti Laoag gapu iti panagngato ti heat index.

Daytoy ti inbatad ni Engr. Glenn Miguel iti 1^st Engineering District ti Department of Public Works and Highways (DPWH) ditoy ciudad.

Inlawlawag na nga awan ti pagannurutan a masuspenso ti pannakaiyimplementar dagiti nasao a proyekto gapu iti pannakaisardeng ti trabaho.

Nupay kasta, kuna na nga adda dagiti mangilunglungalong a maiyatiddog koma ti aldaw a pannakaipatungpal dagiti nasao a proyekto.

Maipalagip a dagiti proyekto ti Department of Public Works and Highways ket adda ti naituding nga aldaw a rumbeng a pannakaileppas na nga isu ti rumbeng a masurot wenno matungpal.