LAOAG CITY – Kinumpirmaran ti Israel a pimmusay ni Abu Obeida, ti pannakangiwat ti Hamas’s armed wing iti nayuswat nga aerial attack iti Gaza City.
Saan met pay a kinumpirmaran ti Hamas ti pannakatay ni Obeida ngem kuna ti Palestinian armed group a dinosdosena a sibilyan ti nasugatan iti Israeli air strikes iti residential building iti distrito.
Basar iti impormasyon, umabot iti pito a tattao ti natay ken 20 ti nasugatan gapo iti airstrike iti al-Rimal neighbourhood iti Gaza City ken kaadoan kadagiti natay ken ubbing.
Ti panagatake ket iti baet ti manariaan nga aerial strikes iti Gaza City sakbay pay ti naplano nga Israeli offensive.
Kalpasan daytoy ket kinablaawan ni Israel’s Defence Minister Israel Katz ti Israel Defense Forces (IDF) ken ti Israel’s security agency a Shin Bet iti inawagan na nga “flawless execution.”
Nagballaag met ni Katz nga ado pay a criminal partner ni Obeida ti agbalin a target iti naig-iget a kampanya da iti Gaza.
Ummunan nga inbatad ti Israel Defense Forces (IDF) ken Shin Bet a balligi ti inyuswat da a panagraot babaen iti naala da nga impormasyon kenni Obeida ken ti mismo a paglemlemmengan na.
