LAOAG CITY – Saan a pabor ti OFW a ni Mrs. Nuraiza Barola iti nailungalong a pannakapagbalin a simple ken maiyalisto ti panagala ti pasaporte ditoy pagilyan.
Inpalgak na a no nalukay unay ti Departmen of Foreign Affairs (DFA) ket mabalin nga ado dagiti mangabuso.
Kuna na a rumbeng a mainspeksyon a naimbag dagiti dokumento kangrunaan na ti Birth Certificate nga ipresentar iti panagala ti pasaporte.
Inpetteng na nga adda ti nagbalin a kapadasan na idi 2018 kabayatan ti papanna panangirenew ti pasaporte na ket ditoy a naduktalan na nga ado dagiti nakaala ti pasaporte na a ti inusar da a Birth Certificate ket peke.
Innayon na a no agirenew laeng ti pasaporte ket napintas no maiyalisto ti pannakaiproseso da.
