LAOAG CITY – Nagtalinaed a burburtia iti pannakapapatay iti maysa a senior citizen iti Brgy. 2 ditoy ciudad ti Laoag.
Segun kadagiti imbestigador ti Philippines National Police ditoy siudad, kitkitaen da dagiti nagduduma nga anggulo iti napasamak nga insidente.
Basar iti impormasion nga imposible a nagasarili daytoy manipud iti pannakatnag iti maipapatakder a pasdek ket saan met daytoy a residente iti nasao a lugar.
Innayon da a no ti landok a kaabay ti biktima a nakadasay iti dalan a saan a semento ket mabalin nga inusar na daytoy a pang bugaw laeng kadagiti tarakenna a kalding ken saan a nausar iti napasamak a krimen.
Kinunuda a maysa kadagiti kitkitaenda nga anggulo ket ti nagbalin a rakurak ti kabsat ti biktima a ni Celesio Andres maipanggep ti reklamo a naipadanon iti barangay maipanggep iti pannakaipatakder ti pagtaengan na iti nasao a lugar.
Kabayatanna, inpetteng ti Philippine National Police ditoy siudad ti Laoag nga adda dagiti CCTV ngem naperdi daytoy gapu kadagiti napapalabas a bagyo rason nga agtultuloy ti imbestigasion.
