LAOAG CITY – Maragsakan ni Father Greg Apuya, tubo idiay Abra ngem kura paruko kadagiti maysa kadagiti simbaan ti Romano Katoliko ditoy Ilocos Norte ti pannakapili ni Associate Justice Lucas Poruganan Bersamin a kas baro a Chief Justice ti Korte Suprema.
Segun ken ni Father Apuya, ibilang ni Bersamin a “low profile” ngem “high caliber nga abogado.
Daytoy ket gapu ta inkunsentrar na ti profession na nga abogado a saan ketdi a timmapog iti pulitika a kas kadagiti kakabsat na.
Maragsakan pay ni Apuya gapu ta agpada da a nagbasa ni Bersamin idiay St. Joseph Seminary idiay Abra.
Kuna na pay ti padi a dakkel a karit kadakuada a taga Abra iti pannakapili ni Bersamin a mangidaulo ti kangatuan a Korte ditoy pagilian gapu ta saan a mailibak a mangngeg laeng ti lugar nga Abra ken pagbutbutngan da ket ti pannakapili na iti nasao a posisyon ken agbalin a dana para iti nataltalna nga Abra.
