LAOAG CITY – Kalikagum ni Sangguniang Panlungsod Member Atty. Jason Perera a kalikagum na a maimbitaran iti konseho dagiti maseknan a department heads ken amin a meat vendors iti Laoag City Public Market.
Kuna ni Perera a daytoy ket tapno maamoan ti kangrunaan a rason nu apay nga adda ti nangina a presyo ti karne ditoy siudad.
Segun iti konsehal, arig nga agpapada ti presyo ti live weight ditoy siudad ken iti dadduma nga ili ngem nagtalinaed a nanginngina ti presyo iti kada kilo ti karne a magatang iti merkado publiko.
Immuna iti daytoy, inpakaammo ni Perera a basar kadagiti report a dumandanon kenkuana ket nangina ti pannakasingir ti permit kadagiti aglaklako ti karne iti merkado publiko rason nga adda ti panagtalinaed ti nangato a presyo daytoy iti kada kilo.
