LAOAG CITY – Inbinsa-binsa ni Fire Senior Inspector Ronald Castillo, fire marshal iti BFP Laoag dagiti possible nga akin aramid iti pannakauram ti kapanagan iti sumagmamano a paset ti padsan river.
Kuna ni Castillo a possible nga inaramid dagiti agiwarwarwar ti dingwen, dagiti biyahero nga agpoor iti sirok ti rangtay ken ti maipagarup nga aramid ti madi ti panagpanpanunot na ti pannakauram ti kapanagan.
Segun kenni Castillo, karaman pay iti posibilidad dagiti agipurwak iti rungrung ti sigarilyo.
Nagbalaag ni Castillo a dakkel ti multa na dagiti maduktalan nga agpoor.
Pinalagaipan na ti publiko a saan nga agpoor gapu ta possible a mangitunda ti dakkel a problema.
