LAOAG CITY – Naduktalan iti panagadal a ti pannangan ti abokado ket mangipababa ti risgo iti sakit a diabetes para kadagiti babbai.
Naamoan a dagiti babbai a mangmangan ti 30 agingga iti 38 a gramo ti abokado ket nababbaba ti posibilidad na a maaddaan ti sakit a diabetes no ikompara kadagiti saan a mangmangan iti daytoy.
Inlawlawag dagiti eksperyo a ti combo ti fiber ken unsaturated fat a masarakan kadagiti abokado ket dakkel iti akemna iti pannakakissay ti peggad ti diabetes.
Malaksid iti daytoy, dakkel pay a makatulong ti bokado para iti a weight management, panagtalinaed a nasalun-at ti mata, puso ken ti kudil.
Gapu iti daytoy, inbalakad dagiti eksperto a mabalin nga iraman ti ad-adu nga abokado iti panagdiyeta babaen ti panangusar daytoy kas spread wenno dressing wenno inayon iti smoothie.
