LAOAG CITY – Iti pannakagun-od iti back-to-back championship, adda ti tsansa ti TNT Tropang Giga nga agbalin a maikalima a koponan a mangabak iti PBA Grand Slam.
Inabak ti Tropang Giga ti karibal a Barangay Ginebra Gin Kings iti Game Seven babaen ti overtime iti iskor nga 87-83 tapno agballigi iti Season 49 PBA Commissioner’s Cup iti Smart Araneta Coliseum.
Immunan a nagkampeon ti Manny V. Pangilinan-owned franchise iti PBA Governors Cup kontra iti Gin Kings idi Nobiembre sakbay a nagun-od ti maika-11 a titulo.
Naammoan a ti sumaruno a target ti TNT ti panagballigi iti sumaruno a PBA Philippine Cup inton Abril.
