LAOAG CITY –Personal nga ininspeksion ni Presidente Ferdinand Marcos Jr. ti Philippine International Convention Center (PICC) iti Pasay City kas panagsagana iti pannakaisayangkat ti 49th ASEAN Summit and Related Summit iti Nobiembre.
Maisayangkat daytoy manipud Nobiembre 13 agingga 15, 2026 no sadinno a ti Pilipinas ti ag-host iti babaen ti tema a ‘Navigating Our Future, Together.’
Segun iti Malacañang, paset ti inspeksion ti panagsagana kadagiti lugar a pakaisayangkatan dagiti panagtataripnong dagiti lider ken delegado manipud kadagiti pagilian nga ASEAN.
Agtultuloy met ti intergovernmental meeting kas paset ti panagsagsagana to gobierno iti summit.
Mainiag iti daytoy, nalukatan manen ti natarimaan a Coconut Palace iti Pasay City kas nayon kadagiti lugar a mausar iti panag-host ti ASEAN Summit.
