LAOAG CITY – Suportado ni Pres. Ferdinand Marcos Jr., ti plano ti Technical Education and Skills Development Authority wenno TESDA nga adalen ti posibilidad a makaukkon ti pondo para iti unfunded programs ti ahensya.
Iti panagtataripnong ti Malacañang seknan iti agency budget review iti sidong ti 2025 General Appropriations Act, naduktalan nga apagapaman a ngimmato iti P20.73 bilyon ti budget ti TESDA manipud iti P18.50-B iti National Expenditure Program, ngem saan met a napondoan ti sumagmamano a programa.
Karaman ditoyen ti Enterprise-based Training Office ken pannakaipasdek ti Regional Office para iti Negros Island Region.
Segun iti Presidente, napateg ti skills development programs gapu ta daytoy ti mangpatibker iti partnerships dagiti industry leaders, tapno akabukel ti naruay nga employment opportunities.
Kageddan iti daytoy , binilin ti Presidente ti TESDA nga adalen dagiti istratehiyaken siguraduen dagiti proyekto a gagem a matungpal ti administrasyon para iti naan-anay a panagrang-ay ti ekonomiya.
