LAOAG CITY – Nagpanawagan ni Presidente Ferdinand R. Marcos Jr. kadagiti kameng ti media nga idaulwan ti kampanya kontra iti misinformation, disinformation, ken mal-information, ken itultuloy laeng ti mangsurot iti “most ethical at professional standards” ti panagirakurak.
Ginutigot pay ti presidente dagiti agirakrakurak nga agtalinaed nga agbalin a “forefront” ti kampanya para iti “accurate information.”
Inaramid daytoy ni Presidente Marcos kalpasan nga indaulwan na ti Oath-Taking Ceremony para kadagiti newly elected officers ti National Press Club (NPC), Kapisanan ng mga Broadcasters ng Pilipinas (KBP) Malacañang Press Corps (MPC), Presidential PhotoJournalists Association (PPA) ken Malacañang Cameraman Association (MCA) iti Heroes’ Hall, Palasyo ti Malakanyang.
Nagkiddaw met ti suporta ti presidente manipod kadagiti kameng ti media iti panangsolusyon iti nakapuy a sistema iti Pilipinas ken palubusan ti pagilian a padur-asen iti babaen ti agtultuloy a panangpatalinaed ti takder ti “best interest” ti pagilian.
Kabayatanna, binigbig ni Presidente Marcos ti awan sarday a panangtulong dagiti kameng ti media iti pannakamuli ti umili para iti napigpigsa a Bagong Pilipinas.
