LAOAG CITY – Nakasagana ni Presidente Ferdinand Marcos Jr. a mangipublikar iti Statement of Assets, Liabilities and Networth (SALN) na iti “proper authority” ken maiyataday iti proseso nga intuyang ti Office of the Ombudsman.
Segun ken ni Palace Press Officer Claire Castro, kayat na a lawlawagan ti nagbalin a rakurak ni Executive Secretary Lucas Bersamin a saan a mabalin a siasinno man ti makakita ti SALN dagiti cabinet officials ken uray ti mismo a presidente.
Inbatad ni Castro, mismo a ni Presidente Marcos ti nangirakurak nga umannugot a mangipublikar ti SALN na iti umiso nga otoridad ken maiyataday iti pammilin ti Ombudsman.
Maipalagip nga immunan nga adda ti panangirakurak ni Pres. Marcos a nakasagana a mangipublikar ti SALN na ken uray dagiti gabinete na ket gutigoten na a kastoy ti aramiden da.
