LAOAG CITY – Nagsublin iti PNP ditoy ciudad ti Laoag ni Police Chief Master Sergeant Ferdinand Santos.
Daytoy ti inpakaammo ni Police Lt. Col. Amador Quiocho, ti chief of police ditoy ciudad ti Laoag.
Nupay kasta, inlawlawag na nga awan pay ti order na no agsublin ni Santos kas chief iti PNP-Traffic Division ditoy ciudad.
Maipalagip a nareliboan ni Santos ken naipan idi iti 1st Provincial Mobile Group ngem naisubli met laeng iti PNP-Laoag.
Saan nga ammo ni Quiocho no ania ti rason ni Provincial Director Police Senior Supt. Christoper Abrahano nga insubli na ni Santos iti PNP-Laoag.
Mamati a napaneknekan nga awan ti naglabsingan ni Santos wenno nagkurangan na kas chief iti PNP-Traffic Division ditoy ciudad.
Immunan a naglikudan ni Santos dagiti alegasyon kontra kadakuada a kameng ti PNP traffic division mainaig iti maipagarup a naginom ken nagparti da ti aso iti uneg a mismo ti police station.
