LAOAG CITY – Maragsakan ni Ms. Shey Pia Abaya, mangidadaulo iti Public Employment Service Office ditoy cuidad ti Loaag kadagiti pammadayaw a naawat iti opisina da iti pannakaiwayat ti regional peso congress Region 1 idiay Alaminos City, Pangasinan.
Segun kenkuana, nagsentro ti nasao nga aktibidad iti pannaka-rekognisar kadagiti amin a Public Employment Service Office iti Region 1.
Inpakaammo na a dagiti pammadayaw a naawat iti opsina da ketiti Regional Winner iti Kabuhayan Excellence Award (City Category) Rookie PESO Manager of the Year – CY 2025, ken Special Citation: Institutionalization of Barangay Employment Service Offices (BESO).
Inbatad na a dagitoy a pammadayaw a naawat iti opisina da ket gapu iti napintas a koordinasion iti nagbabaetan iti lokal gobierno, Department of Labor and Employment ken dadduma pay nga ahensia.
Inpanamnama ni Abaya nga ad-adda pay a papintasen da ti ipapaay da a serbisyo ken ad-ado pay a pagtrabahoan ti maipaay kadagiti umili ditoy ciudad ti Laoag.
