LAOAG CITY – Makibinnulig ti Public Employment Service Office iti Barangay Pila ditoy siudad ti Laoag mainaig iti First Time Job Seeker Desk.
Daytoy ket basar iti naaprobaran nga ordinansa nga inpasa dagitoy iti konseho a First Time Job Seeker Desk a gagemna ti tumulong kadagiti agbirbiruk ti trabaho.
Inbatad ni Ms. Shey Pia Abaya, mangidadaulo ti Public Employment Service Office ditoy siudad ti Laoag a napintas daytoy nga aramiden iti amin a barangay ditoy siudad.
Kunana a dakkel daytoy a tulong para kadagiti agsapsapul iti pagtrabahoanna nga awan ti kuartada a mapan agpa-print ken mangasistir nga agaramid iti bio data ken dadduma pay a kasapulan iti panagaplikar ti trabaho.
Innayonna a napintas daytoy nga adaptaren gapu ta adu pay dagiti saanna unay nga ammo ti agaramid ti resume ken dadduma pay a requirements.
