LAOAG CITY – Nagpalagip ti Philippine Health Insurance Corporation (PhilHealth) kadagiti miembro daytoy a mabalin a maka-avail ti benefit package para iti heat-related illnesses iti baet ti nabara a panawen.
Segun iti state insurer, mabalin a ma-avail ti benefit packages para iti common summer ken heat-related illnesses iti accredited nga ospital ti Philhealth iti intero a pagilian a makatulong tapno makissayan ti gastos manipud iti bukud a bulsa dagiti pasiente.
Para iti heat stroke, heat exhaustion, heat collapse, heat cramp ken sunstroke, mabalin a makaala ti P12,675 benefit package.
Para met iti heat fatigue ken dadduma pay nga epekto ti init ken raniag, P18,135 idinto apagapaman agingga iti nakarkaro a dehydration ket mabalin a makaala ti P7,800 benefit package.
