LAOAG CITY – Kalikagom ti Philippine National Police (PNP) Traffic Division ditoy ciudad ti Laoag a maamendaran ti Traffic and Order Code ditoy ciudad.
Daytoy ket kalpasan nga inlawlawag ni Konsehal Jason Perara dagiti paglintegan iti trapiko kadagiti traffic Aide ditoy ciudad ti Laoag.
Karaman kadagiti inlawlawag ni Perera kadagiti maseknan ket no ania dagiti lugar a mabalin laeng a pagparkingan dagiti lugan.
Inpaganetget ni Perera a saan amin a kalsada ket maipawil a pagparkingan gapu ta no mapasamak daytoy ket possible nga awanen ti mapan aggatang iti tiendaan.
Nagyaman ti konsehal gapu ta naawatan dagiti maseknan ti palawag na isut gapuna a kalikagom da a maamendaran ti agdama a Traffic and Order Code ditoy ciudad.
