LAOAG CITY – Mangi-deploy ti Philippine Red Cross (PRC) kadagiti volunteers, dagiti miembro ken resources para iti fiesta ti Nazareno de Quiapo inton Enero 9, 2025.
Dumanon iti 500 ti maidestino pakairamanan ti 17 first aid stations ken 18 nga ambulansia manipud iti Metro Manila.
Naammoan nga adda ti kanayonan nga ambulansia ken scooters a naka-standby met para kadagiti kellaat a kasapulan ti panagresponde.
Adda pay ti emergency medical unit ken 50-bed capacity ward.
Dinakamat da Philippine Red Cross Chairman ken Chief Executive Officer Richard Gordon ken Secretary General Dr. Gwen Pang a ti panagsagana ken panagtitinnulong ket tapno maipasigurado ti kinatalged iti panawen ti aktibidad ket napateg gapu ta manamnama nga atendaran daytoy ti 6.5 million a tattao wenno nasursurok pay.
