LAOAG CITY – Kalikagum ti Provincial Health Office a magun-od ti sangagsut a porsiento a mabakunaan dagiti ubbing kontra ti human papillomavirus iti intero a probinsia.
Segun kenni Dr. Rickson Balalio, iti agdama ket tallo a local government unit ti nakakompleto iti nasao a vacvination.
Daytoy ket iti ili ti Banna, ili ti Piddig ken ditoy ciudad ti Laoag.
Inbatad ni Balalio nga awan iti rumbeng a pagdanagan dagiti nagannak iti pannakabakuna dagiti annak da gapo ta dagiti bakuna ket dimmalan iti naan-anay a panagsukisok ken dagitoy ket natalged iti salun-at.
Kunana a sangagasut a porsiento met a natalged dagitoy manipod man iti gobierno wenno kadagiti pampribado a pagpabakunaan.
Inlawlawag na a dagitoy nga ar-aramiden da ket para met laeng iti pagsayaatan dagiti ubbing tapno mailiklik da iti posible a cervical cancer.
Kabayatanna, inbatad ni Balalio a manarimaan iti vaccination kontra iti human papillomavirus.
