LAOAG CITY – Binalakan ti Quezon City Health Department ti publiko nga agannad iti sakit a kamuras ken dadduma pay a sakit iti kudil ita a panawen ti kalgaw pakairamanan kadagiti ipapauneg a taraon ken in-inumen a danum.
Inbatad ni Dra Patricia Bonifacio ti Quezon City Health Department, no panawen ti kalgaw, ti sakit a kamuras ket alisto nga agwaras gapu ta alisto daytoy a makaakar nangruna no agkadua dagitoy iti maymaysa a pagtaengan.
Segun iti Quezon City health official, saan daytoy unay a maob-obserbaran gapu ta ti ammo laeng ti sumagmamano ket simple laeng a rashes daytoy.
Kuna pay ni Bonifacio a kasapulan nga agannad ti publiko iti water borne diseases a dagiti bacteria iti swimming pool nga awanan ti chlorine gapu ta adu ti mahilig nga aglangoy ita a summer ken no nangato met ti chlorine iti pool ket saan a nasayaat daytoy iti kudil.
