LAOAG CITY – Pinaigetan ti Quezon City Health Department (QCHD) ti disease surveillance-da kadagiti evacuation centers tapno maliklikan ti panagwaras ti sakit ken masigurado a nasayaat ti salun-at dagiti nagbakwit gapu iti layus gubuay iti southwest monsoon wenno habagat.
Basar iti city government nga idi Agosto 11, adda ti pakabuklan a 2,326 a pamilia wenno 8,209 nga indibidual ti nagtalinaed iti 42 nga evacuation centers iti 22 a barangay iti siudad.
Malaksid ti panangipaay ti kasapulan ti salun-at kas ti libre a check-up, agas ken vitamins, kabinnulig dagiti doktor dagiti Disease Surveillance Officers kadagiti evacuation center a mangisayangkat ti Surveillance in Post-Extreme Emergencies and Disasters (SPEED).
Gagem ti Surveillance in Post-Extreme Emergencies and Disasters (SPEED) a maammoan no siasino ken mano dagiti indibidual a makapaspasar ti sintomas leptospirosis, dengue, flu ken water-borne diseases ken dadduma pay a sakit.
