LAOAG CITY – Nangiwayat ti Filipino ken French forces ti Maritime Cooperative Activity (MCA) iti West Philippine Sea basar iti Armed Forces of the Philippines.
Inrakurak ti Armed Forces of the Philippines a daytoy ti maikatlo a nagsaruno a lawas ti joint maritime activities iti West Philippine Sea ken naisayangkat iti joint operational area ti Northern Luzon Command.
Inbatad ni Armed Forces of the Philippines Chief of Staff General Romeo Brawner Jr., inrepresentar ti Pilipinas ti baro a guided missile frigate BRP Jose Rizal (FF150), ti offshore patrol vessel BRP Gregorio del Pilar (PS15), C90 aircraft, dua nga FA50 Golden Eagle multi-role fighters ken Philippine Air Force Search and Rescue (SAR) units.
Naammoan a ti Marine Nationale component ket maysa nga aircraft carrier strike group a nakasentro iti Charles De Gaulle (R91), Fregate Europeenne Multi-Mission Destroyer Provence (D652), Force Supply Vessel Jacques Chevallier (A725), Air Defense Destroyer Forbin (D620) ken Aquitaine-class frigate Alsace (D656).
Malaksid iti show of force iti pagin-innagawan a teritorio, gagem pay ti panagsanay ti interoperability, communication and defense capabilities.
Kabayatanna, karaman kadagiti aktibidad ti Communications Check Exercise (COMMEX), Division Tactics/Officer of the Watch (DIVTACS/OOW) maneuvers, Photo Exercise (PHOTOEX), Replenishment ken Sea, personnel exchange through rigid hull inflatable boats, Anti-submarine warfare exercises ken Dissimilar Aircraft Combat Training.
